Venerdi 17 luglio ore 21,15 in piazzale Parri (zona via Sidoli ) seconda serata di “Stasira parlèmma in djalètt”
La secónda saräda äd
“Stasira parlèmma in djalètt”
Venardi sira 17 lujj in pjasäl Parri, zòna via Sidoli, a gh’ sarà la secónda serda äd “Stasira parlèmma in djalètt”. La manifestasjón volsùda da l’Asesorät ala Cultura dal Cmón äd Pärma, ch’ l’é organizäda da Famìja Pramzàna, al Circol Guarèssch, Cìrcol Pertén, www.parmaindialetto.it, Pärma Musicäla, Pärma Nostra e 50& più Fenacom. I protagonìssta ädla seräda j én: Anna Dall’Argine, Mariangela Bazoni, Ettorina Cacciani, Luigi Frigeri, Maurizio Landi, Enrico Maletti, Giuseppe Mezzadri, Giorgio Capelli, Ermes Ghirardi e i fizarmonicìssta Luigi Abbati e Corrado Medioli. I pròsim apontamént dal spetàcol viagiànt äd “Stasira parlèmma in djalètt”, j én ; al 23 lujj in pjasäl Pablo, al 28 agòst in-t-al cuartér Montanära, al 4 setémbor in-t-al cuartér San Pancràsi (via Mordacci) e l’8 setémbor a Cortìl San Martén al (circolo Insàn).
Cme zamò comunichè in precedénsa, la sira dal 23 lujj, in pjasäl Pablo, a gh’ sarà ‘na sorpréza internasionäla, väl a dìr che un Pramzàn strajè residnte a Milàn al ‘s metrà in comunicasjón telefònica con un Pramzàn strajè residént in Florida e tutt du i lezràn socuanti poezjj in pur djalètt Pramzàn. http://parmaindialetto.blogspot.com/
(Tgnèmmos vìsst)
(Pramzàn dal sas)
(Nella foto i componenti della prima serata di “Stasira parlèmma in djalètt” in piazzale Inzani)
