“L’Assessore alla Cultura Luca Sommi, come Marcello Lippi, convoca la Nazionale del dialetto Parmigiano”

nessun commento

L’Asesór ala Culturta Luca Sommi, cme Marcello Lippi.

Venàrdì 4 setémbor alj óri 21, cuint apontamént äd “Stasìra parlèmma in djalètt”, stà vòlta in via Mordacci cuartér San Pancràsi. Atéza anca par la sésta seräda äd martedì 8 setémbor al Cìrcol Insàn, cuartér San Leonärd, indò cme za anuncè a ‘s prezentarà ‘na letùra äd ‘na poezìa, ch’ l’a srà adiritùra senegiäda, da du atór djaletäl chi pasaràn ala stòrja dal djalètt Pramzàn. Méntor è stè fisè ‘na convocasjón da pärt äd l’ Asesór ala Cultura Luca Sommi, äd tùtti ilj Asociasjón che a Pärma i s’ ocupon dal futùr dal nòstor djalètt.
La convocasjón l’é städa fisäda par venardì 4 setémbor alj óri 11,30 in-t-la säla riunjón ädla Cà Comunäla in via Repubblica n°1. L’Asesór Sommi, in còl cäz chì, l’é stè paragonè al Comisäri Técnich ädla Nasjonäl Marcello Lippi, parché l’à riunì i pu bón cultór dal djalètt Pramzàn. La motivasjó äd stà riunjón fatà tùtt in-t-un pìc’, l’ a’n n’ è mìga ancòrra consùda mo a pära ch’ l’a sia dovùda principalmént al sucés ch’ al gh’ à avù al spetàcol itinerànt “Stasìra parlèmma in djalétt”, volsù dal stés l’Asesór, ch’al ghà avù dil richiésti in tùtta la provìncia. A srà prezént: la Consulta Djaletäla Pramzàna diréta da Franco Ferrari, in raprezentànsa dil compagnjj djaletäli, Parmaindialetto, d’ Enrico Maletti, al prìmm sìt in Italjàn e djalètt Pramzàn, Pärma Nòstra con al sò presidént Renzo Oddi e i Vice Giuseppe Mezzadri e Enrico Maletti, al Cìrcol Pertini presiedù da Ermesr Ghirardi, al Cìrcol Giovannino Guareschi äd Claudio Cavazzini, Pärma Muzicäla raprezentäda dala Profesorèssa Mariangela Bazoni, 50&piùFenacon äd Franco Bia, la Famìja Pramzàna con la sò Presidèntèssa Anna Maria Dall’Argine. In-t-na secónda comunicasjón publicarèmma il motivasjón äd cla convocasjón chì consideräda cuäzi cme la Nasjonäla äd Lippi.
(Tgnèmmos vìsst)
(Pramzàn dal sas)

http://parmaindialetto.blogspot.com/

   Invia l'articolo in formato PDF   

Scritto da Staff_NelParmense

Settembre 2nd, 2009 at 5:21 pm