Il libro del “Natale Parmigiano” di Lorenzo Sartorio

nessun commento

Al lìbbor dal “Nadäl Prarmzàn” äd LORÉNS SARTÒRIOAl lìbbor dal “Nadäl Prarmzàn” äd LORÉNS SARTÒRIO

‘Na stupénda strènna Natalìssja in abinamént con la Gazèttta äd Pärma, in tùtt ilj edìccoli, st’an’ l’é al lìbbor dal “Nadäl Pramzàn” scrìtt dal giornalìssta Loréns Sartòrio, Tecnografica editór. Un lìbbor ch’ al n’é pol mìga mancär davanti al presépi e sotta l’älbor äd Nadäl äd tutt i Pramzàn.
Con l’introdusjón dal Sìnndich äd Pärma Pédor Vignäli, al lìbbor al racónta i pù picén at ädla vìtta äd tutt i dì durànt al perìod Natalìssi, Sartòrio l’à realizè un vér e pròpri at d’amór vèrs la nòstra tera pjén’na äd tradisjón, che con còl lìbbor chì i n’andràn sicuramént mìga pèrsi.
Déntor in-t-al lìbbor a gh’é ilj antìghi tradisjón, ilj uzansi, i magnär, il legéndi, i provérbi, il tiritéli, i sant, i fiór ädla nòstra tera in-t-al témp äd Nadäl. In particolär in-t-al lìbbor a gh’é al magich Nadäl dal poeta Gigén Vicini, cuand al pòst äd l’abete a s dobäva ‘na bròca da znévor, Santa Lusia “mercànt da néva”, l’anolén äd Nadäl, la soca äd Nadäl, la tombola ‘dla vgìllja, al brod äd Nadäl, provérbi e filastròchi, la sén’na ädla vigìllia in convént e tanti ätor capìtol riguardànt il nòstri tradisjón che sol Loréns Sartòrio con al sò amór par Pärma al podäva ritrovär e pubblicär su còl lìbbor chì impresjozì da i disègn äd Pépo Monica e impaginè con maestria da Tecnografica. ‘Na bón’na bocäda d’ osigeno dil tradisjón Pramzàni. Bón’na letura a tutt i Pramzàn.
(Pramzàn dal sas)   (Tgnèmmos vìsst)
http://parmaindialetto.blogspot.com/

   Invia l'articolo in formato PDF   

Scritto da Staff_NelParmense

3 Dicembre, 2009 at 3:15 am