La Madònna äd Fontanlè in Dòm in-t-i àni 50
il Duomo di Parma addobbato negli ani 50 in occasione di due venute a Parma della Madonna di Fontanellato
Dò fotografjj stòriche catädi da “Parmaindialetto”, i rafigùron al Dòm äd Pärma dobè äd stòfi trén’ni e fiòch par l’arìv äd la Madònna äd Fontanlè a Pärma in-t-i àni 50. In chi àni lì p’r i avenimént l’éra äd moda dobär con stòfi pregiädi il Cézi äd Pärma. Dobadór uficiäl ädla Curia Vescovile äd Pärma, con ala gvìda l’alóra Vésscov Monsgnór Evasio Colli, l’éra la famija Maletti ch’ l’a gnäva da Mòdna e stabilìda a Pärma dal 1942 compòsta dal pädor Cavalier Gino, i fjójj Livio e Tiziano. Il foto ch’ a publichèmma j én städi tràti da l’archìvvi äd la famìja d’ Enrico Maletti, nasù a Pärma e fjól äd Gino, j én städi scatädi in-t-i àni 50, al s’ vèdda dala pozisjón äd l’Altär e dala balaùsstra con la canceläda indòvva i fedél i s’ inznociävon par ricévor la Sacra Comunjón.
In ocazjón ädla stmàna Mariàna dal 15 al 22 novémbor 2009 e par l’arìv ädla Madònna äd Fontanlè ch’ l’a restarà in Dòm fìn a domenica 22 novémbor, “Parmaindialetto” al tóz l’ocazjón par publicär il fotografjj d’ óltra mézz sécol fa.
(Tgnèmmos vìsst)
(Pramzàn dal sas)
http://parmaindialetto.blogspot.com
